அடைக்கல அன்னையே

அடைக்கல அன்னையே

அடைக்கலமும்
எம் புகலிடமும் நீரே

அன்பகமும்
அருள் நிறை தடாகமும் நீரே

அக்கறையும்
எமை சேர் விண்கரையும் நீரே

அத்தனையும்
எம் ஒரே சிந்தனையும் நீரே

அன்புக் கோட்டையும்
செப வேட்டையும் நீரே

அளவில்லா நலமும்
குறைவில்லா வளமும் நீரே

அற்புதமும்
அமல உற்பவமும் நீரே

அரவணைப்பும்
தீயோன் அழிவும் நீரே

அலங்காரமும்
எம் அதிகாரமும் நீரே

அழகோவியமும்
எம் காவியமும் நீரே

அன்றாட ஆற்றலும்
கொண்டாட தாயும் நீரே

அவலம் நீக்க
பாவம் விலக்க வழி நீரே

அலகை ஓடவும்
தீமை களையவும் ஆயுதம் நீரே !

அடைக்கல சபையினருக்கும்

அடைக்கலமான யாவருக்கும்
திருநாள் நல்வாழ்த்துக்கள்.

அன்புடன்
கஸ்மீர் ரோச்
சின்னமலை
9382709007⁠⁠⁠⁠