பாலனே வருக

பாலனே வருக

தேவக்குமாரன் அவதரிக்க

தேடும் மாந்தர் யாம் மெய்சிலிர்க்க,

சின்னஞ் சிறியோர் குதூகலிக்க,

தோரணங்கள் மின் விளக்குகள் கண்சிமிட்ட,

புல் வெளியும் மண் தரையும் குடிலை சூழ,

பளபள தாளும் பகட்டு விளக்கும் பளிச்சிட,

பரிசு பொருளும் சிறுசிறு பொம்மைகளும் மரத்தில் தொங்கி தாலாட்ட,

புத்தம் புது துணி வாசம் மேனியில் சரசரக்க,

பூந்தொட்டிகளும் வால் நட்சத்திரங்களும் அழகு கூட்ட

பலகாரங்களும் இனிப்புகளும் வகைவகையாக நாவில் சுவையூட்ட

கிறிஸ்மஸ் தாத்தா விதவிதமாக பாடி ஆடி சின்னக் குட்டிகளை மகிழ்விக்க

குளிருக்கு இதமாய் உடையுடுத்தி ஆடவரும் பெண்டிரும் கீதமீட்டிட

காண்போரெல்லாம் சொந்தமாக மாறி வாழ்த்தும் வணக்கமும் பரிமாறிட

அன்பு பாலனே வருக.....

இனிய வேந்தனே வருக.....

கஸ்மீர் ரோச், சின்னமலை,சென்னை