எண்ணில்லா அன்பே...

எண்ணில்லா அன்பே...

கணக்கற்ற பாவம் செய்தும் என்னைக்
கண்ணிமை போல் காத்திட்ட தனிப்பட்ட அன்பே

அனேக முறை அச்சமின்றி தவறியும் என் அருகில் வந்த அதீத அன்பே

சினங்கொண்டு சீறிப்பாய்ந்தும் சிறிதும் வருந்தாது என்னை காக்கும்
சிறந்த அன்பே

உரையாலும் மொழியாலும்
உறவினை சிதைத்தும்
உடன் வந்திடும் என் உயரிய அன்பே

நிகழ்ந்த கசப்புகளை
நித்தமும் நினைத்து
நிந்தித்தாலும் என் நிழலாய் வரும் நிலையான அன்பே

நிம்மதி தரவே
நித்தமும் எனை நாடிடும்
 நிரந்தர அன்பே

அகிலம் படைத்த அரட்கரத்தாலே
அனுதினமும் எனை காக்கும்
 அக்கறை அன்பே

நிர்மூலமாய் போனாலும்
நிர்கதியாய் ஆனாலும் எந்தன்
 நிபந்தனையில்லா அன்பே

ஏளனப்படுத்தி இகழ்வடையினும்
ஏழ்மையில் வாடினும் என்னை
 ஏற்றுக்கொள்ளும் அன்பே

பாரச் சுமைகளை தாங்கி
பாவ மாசை கழுவிய என்
 பாரபட்சமற்ற அன்பே

ஆவலில் தவறிடினும்
ஆசையில் உழன்றிடுனும் எனக்கு
ஆதரவான ஆற்றிடும் அன்பே

எத்தனை அன்பு......
எத்தனை அன்பு.....
அத்தனையையும் நான்உணர
அத்தனையையும் வாழ்வாக்க
என்னை மாற்றிடு இறைவா......

அன்புடன்
கஸ்மீர் ரோச்
சின்னமலை
9382709007